O martes, 14 de abril, conmemórase o 78 aniversario da proclamación da Segunda República. Por esta razón, en toda Galicia, e tamén en Ferrol, vanse celebrar numerosos actos. Na nosa cidade, por iniciativa da Asociación Memoria Histórica Democrática celébrase unha conferencia no Ateneo Ferrolán, ás 20:00 h., impartida polos historiadores Xosé M. Suárez e Eliseo Fernández. Por outra banda, tamén con este motivo, celebrarase unha cea conmemorativa no Restaurante “O Galo” de Valón, o vindeiro sábado día 18 de abril ás 21:30 h.

Lefre de Caldereta, coa intención de non contraprogramar un día coma este, e atendendo ás peticións de socios/as e amigos/as decidíu suspender a tertulia deste mes.