O vindeiro sábado, 28 de novembro, ás 21:30 h. na Capela co Centro Torrente Ballester, Lefre de Caldereta, coa colaboración da concellería de cultura do concello de Ferrol organiza unha actuación con texto, música e imaxes sobre o canto da intervenção en Portugal e no mundo.

O acto é gratuíto e só hai que reservar butaca, chamando ao teléfono 981 944 245 (De luns a venres de 11:00 a 13:00 hh. e de 18:00 a 20:00 hh.)

O Canto de Intervenção tivo unha especial relevancia en Portugal nos anos 60 e 70 do pasado século pero, nin é un fenómeno recente, nin deixou de existir, nin tampouco está limitado ao espazo xeográfico dun país.

O núcleo do Norte da Associação José Afonso (AJA) preséntanos un espectáculo multidisciplinar, que mistura e asocia a música con referencias históricas, con momentos de poesía e coa imaxe, percorrendo a historia do Canto de Intervenção —fundamentalmente en Portugal— pero tamén noutras partes do mundo onde a música deu voz a múltiples loitas.

Da seara portuguesa ao capim angolano, pasando polo estadio nacional de Chile, por Galiza e polo Estado Español, o Canto de Intervenção porponnos unha viaxe polos principais cantautores portugueses e internacionais, contextualizando o seu papel na música e na sociedade e interpretando algunhas das súas melodías e letras máis relevantes.

ESTRUTURA DO ESPECTÁCULO

1ª Parte:

- Le deserteur. Boris Vian

- Blowing in the wind. Bob Dylan

- El derecho de vivir en Paz. Victor Jara

- A cantiga é uma arma. José Mário Branco

- Menina dos olhos tristes.  Adriano Correia de Oliveira / José Afonso

- Trova do Vento que Passa . Adriano Correia de Oliveira

- Cantar de emigração. Adriano Correia de Oliveira

- Que força é essa. Sérgio Godinho

- O Charlatão. José Mário Branco

- Utopia. José Afonso

- O que faz falta. José Afonso

- Poemas de: Alexandre O’Neil, António Jacinto, Ary dos Santos, João Apolinário, José Gomes Ferreira, Manuel Alegre e Víctor Jara.

2ª Parte

A música de intervenção en primeira persoa. TINO FLORES, exiliado en Francia até o 25 de Abril de 1974, compañeiro de estrada de José Afonso e participante directo nun dos periodos máis vizosos do Canto de Intervenção en portugués. Ten varios traballos discográficos gravados en Francia, e dous LP, en Portugal.

Interpretación:

- Paulo Esperança (presentación e narración)

- Ana Afonso (declamación)

- Ana Ribeiro (guitarra e voz)

- Fernando Lacerda (voz)

- Paulo Veloso (guitarra)

- Miguel Marinho (violino, bandolín)

- Tino Flores (guitarra e voz).

Referencias:

Esta iniciativa xa foi presentada en diferentes locais, reunindo críticas moi positivas, alargando o recoñecemento e visibilidade do proxecto:

ICBAS (Porto) ; Clube Literário do Porto; C.M. Matosinhos, Centro de Artes e Espectćculos São Mamede (Guimarães), Festival de Teatro “Fazer Festa” (Porto); Junta de Freguesia de Sto. Ildefonso (Porto), Regueirão dos Anjos (Lisboa),Lisboa, 24-04-2009, Felgueiras, 25-04-2009, Santiago de Compostela, 9-05-2009…