CAPÍTULO I
DA ASOCIACIÓN EN XERAL
Artigo 1º.-
1.- Constitúese unha asociación sen ánimo de lucro das previstas na Lei orgánica 1/2002, do 22 de marzo, reguladora do dereito de asociación. A asociación ten a seguinte denominación “ASOCIACIÓN CULTURAL LEFRE DE CALDERETA”
2.- A asociación rexerase polos ditos estatutos, pola Lei orgánica 1/2002, do 22 de marzo e pola demais lexislación existente en materia de asociacións que lle sexa aplicable.
Artigo 2º.-
O domicilio principal e permanente da asociación radicará na localidade de Ferrol rúa do Sol 224-230, 1º B, 15401 Ferrol.
Artigo 3º.-
A asociación, en funcións dos seus fins e do emprazamento do seu domicilio social, exercerá fundamentalmente as súas actividades no ámbito territorial da Comunidade autónoma de Galicia.
Artigo 4º.-
1.-A asociación constitúese por tempo indefinido e só se disolverá, conforme a estes estatutos, pola vontade dos asociados expresada en Asemblea Xeral Extraordinaria ou polas causas previstas na lexislación vixente.
2.- A asociación rexerase segundo os principios democráticos contidos no marco da Constitución e o resto do ordenamento xurídico.
Artigo 5º.-
1.- Son fins principais da asociación:
a) A promoción e difusión cultural a través da organización de actividades diversas.
b) Constituirse como lugar de encontro e debate ao redor da cultura e as expresións artísticas en xeral.
c) Promover a participación da sociedade en xeral, e dos asociados en particular, a través das súas actividades.
d) Promover a utilización e o coñecemento da lingua e a cultura galegas, poñéndoas en relación coas outras culturas e as súas expresións artísticas no mundo.
e) Promover actividades de todo tipo, conxuntamente con outras Asociacións con fins semellantes, na Comunidade autónoma.
f) Contribuir á creación e fomento dunha cultura ecolóxica, pacifista, non sexista, antirracista e tolerante na sociedade galega.
g) Contribuir á integración cultural e social dos/as inmigrantes e emigrantes retornados.
2.- Para levar a cabo os seus fins, poderá a asociación organiza-las seguintes actividades:
a) Organización de actos culturais e lúdicos de calquera expresión artística e , a través de múltiples formatos.
b) Realización de actividades de apoio aos novos artistas e creadores no país.
c) Organización de actividades de intercambio de experiencias, difusión e promoción de mestizaxe cultural con outras expresións artísticas no mundo.
Os beneficios que se obteñan por calquera concepto destinaranse exclusivamente ó cumprimento destes fins, sen que se poidan repartir entre os asociados nin outras persoas físicas ou xurídicas con interese lucrativo.
